نظام حیدرآباد کے شخصی سوئمنگ پول، فلک نما کی سیڑھیوں والی باولی کی بحالی

حیدرآباد: شہرحیدرآباد اور اس کے اطراف کے علاقوں میں تاریخی سیڑھیوں والی قدیم باولیوں کی بحالی کے کام جاری ہے۔

اسی کے حصہ کے طورپر حیدرآباد میٹروپالیٹن ڈیولپمنٹ اتھاریٹی(حمڈا) نے شہرکے فلک نما بس ڈپو میں واقع سیڑھیوں والی باولی کی بحالی کی تجویز پیش کی۔

یہ باولی تقریبا 300 سال قدیم ہے۔

اس کو بحال کرنے کا کام حمڈا کی جانب سے گریٹرحیدرآباد میونسپل کارپوریشن(جی ایچ ایم سی)، تلنگانہ اسٹیٹ روڈ ٹرانسپورٹ کارپوریشن(ٹی ایس آرٹی سی) اورادارہ رین واٹرپراجکٹ کے اشتراک سے کیاجائے گا۔

حمڈا نے کہاکہ نظام حیدرآباد نے اس تاریخی باولی جو فلک نما پیالیس کے قریب ہے، کا استعمال اپنے شخصی سوئمنگ پول کے طورپر کیا تھا۔

اس باولی کو بحال کرنے کے کام کے سلسلہ میں جھیلوں کی بحالی کے لئے سرگرم تنظیم ساہے، ٹی ایس آرٹی سی اور جی ایچ ایم سی نے یادداشت مفاہمت کی ہے۔