Uncategorized

تلنگانہ سے وابستگی، سرٹیفکیٹ کی ضرورت نہیں: کشن ریڈی

مرکزی وزیر کوئلہ اور کانکنی جی کشن ریڈی نے ریاستی وزیر ٹرانسپورٹ کو اخلاقیات سے عاری تبصرہ کرنے پر نشانہ تنقید بناتے ہوئے کہا کہ تلنگانہ عوام کو معلوم ہے کہ ان کا ڈی این اے کیا ہے۔

حیدرآباد (منصف نیوز بیورو) مرکزی وزیر کوئلہ اور کانکنی جی کشن ریڈی نے ریاستی وزیر ٹرانسپورٹ کو اخلاقیات سے عاری تبصرہ کرنے پر نشانہ تنقید بناتے ہوئے کہا کہ تلنگانہ عوام کو معلوم ہے کہ ان کا ڈی این اے کیا ہے۔

متعلقہ خبریں
فنڈز تو مختص ہوئے، مگر خرچ کیوں نہیں؟ تلنگانہ میں 75 فیصد اقلیتی بہبود بجٹ غیر استعمال شدہ
سچے دل سے توبہ کرنے والوں کیلئے مغفرت کے دروازے کھل جاتے ہیں: مولانا حافظ پیر شبیر احمد
بھینسہ میں ریونیو ڈیپارٹمنٹ کے مسلم ملازم پر قاتلانہ حملہ، فرقہ پرست عناصر کیخلاف سخت کارروائی کا مطالبہ
ایس ایس سی امتحانات کی تیاری: مفتی ڈاکٹر حافظ صابر پاشاہ قادری کی طلبہ کو اہم ہدایات
بودھن میں جمعیۃ علماء ہند کی ممبر سازی مہم کا شاندار آغاز

کشن ریڈی نے کہا کہ انہیں اپنی ریاست سے محبت کو ثابت کرنے کے لیے کسی کے سرٹیفکیٹ کی ضرورت نہیں ہے۔ صحافیوں کے ساتھ بات چیت کے دوران، کشن ریڈی نے کہا کہ ریاستی حکومت کو موسیٰ ندی کی صفائی کرتے ہوئے عوام کو صاف پانی کی فراہمی کو یقینی بنانا چاہیے۔

انہوں نے کہا کہ اگر حکومت کرشنا اور گوداوری سے پانی لاتی ہے تو بی جے پی کو کوئی اعتراض نہیں ہے لیکن انہوں نے کہا کہ اس وقت بی جے پی خاموش نہیں رہے گی اگر موسیٰ ندی کے قریب ایک بھی مکان کو منہدم کیا جاتا ہے۔

انہوں نے خبردار کیا کہ اگر کانگریس حکومت مکانات گرانے کے بعد رئیل اسٹیٹ کے کاروبار میں مشغول ہوتی ہے تو اسے عوام کے غیض و غضب کا سامنا کرنا پڑیگا اور بی جے پی عوام کا بھرپور ساتھ دے گی۔ انہوں نے کہا کہ حکومت کے لیے یہ کافی ہوگا کہ وہ ایک ریٹیننگ دیوار تعمیر کرے اور شہر میں نکاسی آب کا نظام تعمیر کرے۔

انہوں نے کہا کہ وہ رات کو موسیٰ ندی کے علاقہ میں قیام کریں گے اور وہاں کھانا کھائیں گے اور ایک دن وہیں قیام کرتے ہوئے عوام کے ساتھ اظہار یگانگت کریں گے۔ انہوں نے یہ بھی واضح کیا کہ بی جے پی کاسٹ سروے کے خلاف نہیں ہے۔

تاہم حکومت کو ادارہ جات مقامی کے انتخابات میں 42 فیصد تحفظات پر عمل کرنا ہوگا۔ انہوں نے مزید کہا کہ بی جے پی ایم ایل سی انتخابات کے لیے امیدواروں کے ناموں کا جلد ہی اعلان کرے گی۔