این ایس یو آئی نے تلنگانہ کی وزیرتعلیم کی قیامگاہ کے قریب احتجاج کیا

حیدرآباد: کانگریس کی طلبہ تنظیم این ایس یو آئی نے تلنگانہ کی وزیرتعلیم سبیتا اندراریڈی کی قیامگاہ کے باہر احتجاج کیا۔

انہوں نے مطالبہ کیا کہ ریاست میں غیرمجاز پرائیویٹ یونیورسٹیوں کو فوری طورپر بند کیاجائے۔

اس احتجاج کے دوران مظاہرین نے الزام لگایا کہ بیشتر پرائیویٹ یونیورسٹیوں نے بغیر کسی مجاز کے طلبہ کو داخلے دیئے ہیں۔

ان یونیورسٹیوں کی جانب سے بغیر اجازت طلبہ کیلئے سمسٹرامتحانات منعقد کرنے کے بارے میں تشویش پائی جاتی ہے۔

این ایس یو آئی نے مطالبہ کیا کہ غیرمجاز یونیورسٹیوں کے مالکین کے خلاف سخت کارروائی کی جائے۔

اس احتجاج کی اطلاع کے ساتھ ہی پولیس کی بھاری تعداد وہاں پہنچ گئی جس نے بیشتر احتجاجی این ایس یو آئی ارکان بشمول ریاستی صدر این ایس یو آئی بالموری وینکٹ کو گرفتار کرلیا اور ان کو گوشہ محل اسٹیڈیم منتقل کردیا۔

اس احتجاج کے نتیجہ میں کچھ دیر کے لئے کشیدگی پھیل گئی۔