کانگریس کے ہورڈنگس، کے سی آر اور اویسی کو مودی کا کٹھ پتلی بتایا گیا

حیدرآباد: وزیر اعظم نریندر مودی کے شہر حیدرآباد میں ہفتہ کے روز انتخابی ریالی سے قبل کانگریس پارٹی نے مودی اور ان کے دیگر مخالفین کا مذاق لڑاتے ہوئے اختراعی ہورڈنگس لگائے ہیں۔

ان ہورڈنگس میں وزیر اعظم نریندر مودی کو تلنگانہ کے چیف منسٹر کے چندر شیکھر راؤ اور مجلس اتحاد المسلمین کے صدر (ایم آئی ایم) اسد الدین اویسی کو کٹھ پتلوں کی طرح استعمال کرتے ہوئے دکھا یا گیا ہے۔

 کانگریس پارٹی نے ان کٹھ پتلیوں کے ہورڈنگس کو ہائی ٹیک سٹی کے بشمول شہر کے اہم مقامات پر لگائے ہیں۔ کانگریس قائدین بی آر ایس اور مجلس پر بی جے پی کیلئے کام کرنے کا الزام عائد کرتے آرہے ہیں۔

کانگریس قائد راہول گاندھی نے گزشتہ چند ہفتوں کے دوران تلنگانہ میں منعقدہ اپنی تمام ریالیوں میں یہ الزام عائد کیا تھا کہ بی آر ایس اور مجلس، بی جے پی کی بی ٹیم ہیں۔