پیپر لیک معاملہ، حیدرآباد میں بی جے پی کااحتجاج

حیدرآباد: بی جے پی نے تلنگانہ پبلک سرویس کمیشن میں پیپر لیک معاملہ کے خلاف شہرحیدرآباد کے اندراپارک کے قریب دھرنا دیا جس میں بے روزگاروں کی بڑی تعداد نے حصہ لیا۔

 بی جے پی لیڈروں نے افسوس کا اظہارکرتے ہوئے کہا کہ پیپر لیک ہونے کی وجہ سے تمام امتحانات منسوخ کر دیئے گئے ہیں۔

 بی جے پی نے انتباہ دیا ہے کہ اس معاملہ پر ان کی تحریک جاری رہے گی۔

انہوں نے الزام لگایا کہ پرچہ لیک ہونے کے لئے وزیر تارک راما راو ذمہ دار ہیں۔

ان کو ہٹایا جائے اور ان کے خلاف کارروائی کی جائے۔

 احتجاجیوں نے کہاکہ اس معاملہ پر ایس آئی ٹی کی جانچ کافی نہیں ہے، انہیں ایس آئی ٹی پر بھروسہ نہیں ہے۔

بی جے پی نے امتحان تحریر کرنے والے ہر امیدوار کے لئے ایک لاکھ روپئے معاوضہ کا مطالبہ کیا۔