پیپر لیک معاملہ، ملزمین سے ایس آئی ٹی کی پوچھ تاچھ جاری

حیدرآباد: تلنگانہ پبلک سرویس کمیشن کے پرچہ کے لیک ہونے کے معاملہ کے تین ملزمین سے پوچھ گچھ جاری ہے۔آج پولیس نے ملزمین سے پوچھ گچھ کی۔ ایس آئی ٹی کے عہدیداروں نے ملزمین شمیم، رمیش اور سریش سے گروپ-1 کے پیپر کے لیک ہونے کے سلسلہ میں پوچھ گچھ کی۔

تینوں ملزمین نے ایس آئی ٹی کو بتایا کہ گروپ-1 کا پیپرانہیں پراوین سے ملا تھا۔ عہدیداراس بات کی جانچ کر رہے ہیں کہ آیا ان تینوں نے گروپ-1 کے پریلمس کا پیپر کسی اور کو دیا تھا؟ ایس آئی ٹی کے عہدیداران ملزم ڈاکیا نائک کے بینک اکاؤنٹس کی جانچ کر رہے ہیں۔

 ٹی ایس پی ایس سی کے پرچہ سوالات کے لیک ہونے کے معاملہ میں ایس آئی ٹی حکام کی جانب سے کی گئی جانچ میں کئی باتوں کا پتہ چلا ہے۔ اس معاملہ میں اب تک گرفتار ہونے والوں کی تعداد 15 ہو گئی ہے۔