پی جی میڈیکل طالبہ نے انجکشن لیتے ہوئے خودکشی کی کوشش کی

حیدرآباد: تلنگانہ کے ضلع ورنگل کے کاکتیہ میڈیکل کالج کے شعبہ انستھسیا سال اول کی طالبہ نے ڈیوٹی کے دوران انجکشن لیتے ہوئے ایم جی ایم اسپتال میں خودکشی کی کوشش کی۔

اس نے خود انجکشن لیا تاہم انجکشن کے بعد وہ بے ہوش ہوگئی۔اس کو علاج کے لئے ایمرجنسی وارڈ منتقل کیاگیا۔اسپتال کے سپرنٹنڈنٹ ڈاکٹر وی چندرشیکھرنے کہاکہ اسپتال کے مختلف شعبہ جات کے سینئر ڈاکٹرس کی ٹیم اس لڑکی کی جان بچانے کی کوشش کررہی ہے۔

انہوں نے کہاکہ ضرورت پڑنے پر ا س کو حیدرآباد منتقل کرنے کا بھی منصوبہ تیار کیاجارہا ہے۔ بتایاجاتا ہے کہ اس اسپتال کے ایک ڈاکٹر کی ہراسانی پر اس نے یہ انتہائی اقدام کرنے کی کوشش کی۔

اس نے کالج کے پرنسپل سے اس ڈاکٹر کے خلاف شکایت کی تھی جس نے ملزم کی کونسلنگ بھی کی تھی تاہم عہدیداروں نے دعوی کیا کہ صحت کے مسائل کے سبب اس طالبہ نے خودکشی کی کوشش کی۔