سیدہ مریم غزالہ کو عربی میں پی ایچ ڈی کی ڈگری

حیدرآباد: ایڈیشنل کنٹرولر آف ایگزامینیشن عثمانیہ یونیورسٹی کے بموجب سیدہ مریم غزالہ بنت سید تفضل احمد کو عربی میں پی ایچ ڈی کی ڈگری کا مستحق قرار دیا گیا ہے۔

انہوں نے اپنا عربی تحقیقی مقالہ بعنوان "نوادر المخطوطات في علم الحديث الشريف بمكتبات حيدرآباد دراسة استقصائية” (A Critical Survey of Rare Manuscripts of Hadith Shareef Available in the Libraries of Hyderabad) پروفیسر سیدہ طلعت سلطانہ صدرشعبہ عربی، ڈین فیکلٹی آف آرٹس، عثمانیہ یونیورسٹی کی نگرانی میں داخل کیا.

انہوں نے حیدرآباد کے مختلف مشہور کتب خانوں اور ریسرچ انسٹیٹیوٹس سے حدیث شریف کے نادر مخطوطات حاصل کئے اور جملہ 966 مخطوطات کا تحقیقی جائزہ پیش کیا جس پر ان کو پی ایچ ڈی کی ڈگری کا مستحق قرار دیا گیا۔

سیدہ مریم غزالہ سینٹ اینس کالج فار ویمن، مہدی پٹنم میں بحیثیت اسسٹنٹ پروفیسر (عربی) خدمات انجام دے رہی ہیں۔ وہ ڈاکٹر محمد عبدالملک اسوسی ایٹ پروفیسر آف اکنامکس کی اہلیہ ہیں۔