فون ٹیپنگ معاملہ کی سی بی آئی کے ذریعہ جانچ کروائی جائے:بنڈی سنجے

حیدرآباد: بی جے پی کے رکن پارلیمنٹ بنڈی سنجے نے وزیراعلیٰ ریونت ریڈی کو مکتوب روانہ کرتے ہوئے مطالبہ کیا کہ ریاست کے فون ٹیپنگ معاملہ کی سی بی آئی کے ذریعہ جانچ کروائی جائے۔

 انہوں نے یاد دلایا کہ پیشرو بی آر ایس کے دور میں ریاست میں سی بی آئی پر پابندی عائد کردی گئی تھی، جس کو منسوخ کرنے کی ضرورت ہے۔

انہوں نے کہا کہ سابق وزیراعلیٰ چندر شیکھر راؤ اور ان کے فرزند سابق وزیر کے ٹی راما راؤ پر فون ٹیپنگ کرنے کا الزام ہے۔ انہوں نے کہا کہ ان دونوں کو موجودہ حکومت کی جانب سے نوٹس نہ دینے سے شکوک پیدا ہورہے ہیں۔