درگاہ حضرت سید شاہ افضل بیابانیؒ پر سجادہ نشین بارگاہ رفائیؒ، عراق کی زیارت

قاضی پیٹ: عراق سے تشریف لائے ہوئے حضرت سید محی الدین احمد حسون الرفاعی صاحب قبلہ (سجادہ نشین بارگاہ حضرت سید احمد کبیر رفائیؒ، عراق) نے جمعہ کے روز درگاہ حضرت سید شاہ افضل بیابانیؒ رفاعی القادری، قاضی پیٹ کی زیارت کی۔

اس موقع پر درگاہ شریف کے سجادہ نشین حضرت سید غلام افضل بیابانی رفائی القادری عرف خسرو پاشاہ نے معزز مہمان کا پرتپاک خیر مقدم کیا اور انہیں درگاہ شریف کی زیارت کرائی۔

زیارت کے موقع پر درگاہ کے جانشین سید محمد بختیار بیابانی بھی موجود رہے۔ بعد ازاں مریدین و عقیدتمندوں نے حضرت سید محی الدین احمد حسون الرفاعی صاحب قبلہ سے ملاقات کرتے ہوئے دعائیں لیں اور برکت حاصل کی۔