تلنگانہ کے نظام آباد میں جسم فروشی کے اڈوں پر پولیس کے چھاپے

حیدرآباد: ٹاسک فورس پولیس نے تلنگانہ کے نظام آباد شہر کے مختلف علاقوں میں جسم فروشی کے تین اڈوں پر ایک ساتھ چھاپہ مارا۔

شہر کے نظام آباد رورل پولیس اسٹیشن کے تحت گنگاستھان، فورتھ ٹاؤن کے تحت آریہ نگر اور تھرڈٹاؤن کے تحت نندیو واڈا میں تقریبا دس افراد کو پکڑلیااوران کے قبضہ سے 76,050 روپے ضبط کر لیے گئے۔

پولیس نے بتایا کہ ضبط کی گئی رقم،پکڑے گئے افراد اور جسم فروشی کے اڈوں کے ذمہ داروں کو مزید کارروائی کے لیے متعلقہ پولیس کے حوالے کردیاگیا جبکہ 10 متاثرین کو شیلٹر ہوم میں منتقل کر دیا گیا۔