تلنگانہ میں بارش کا امکان

حیدرآباد: محکمہ موسمیات نے پیش گوئی کی ہے کہ آئندہ 24 گھنٹوں کے دوران تلنگانہ کے اضلاع عادل آباد، آصف آباد، منچریال، نرمل، نظام آباد، جئے شنکربھوپال پلی، مُلگ، بھدرادری کوتہ گوڑم، کھمم، محبوب نگر، ناگرکرنول، ونپرتی، نارائن پیٹ اور جوگولامباگدوال میں گرج اور چمک کے ساتھ بارش ہونے کا امکان ہے۔

محکمہ کے مطابق، اس دوران 30 سے 60 کلومیٹر فی گھنٹہ کی رفتار سے طوفانی ہوائیں چل سکتی ہیں۔ مزید برآں، آئندہ سات دنوں کے دوران تلنگانہ کے بعض مقامات پر ہلکی سے اوسط بارش یا گرج چمک کے ساتھ بارش کی توقع کی جا رہی ہے۔

محکمہ موسمیات نے بتایا کہ جنوب مغرب کا مانسون تلنگانہ میں معمول کے مطابق جاری ہے۔