مہوا موئترا سے سرکاری بنگلہ خالی کرالینے کی تیاری

نئی دہلی: ٹی ایم سی قائد مہوا موئترا سے عنقریب سرکاری بنگلہ خالی کرنے کو کہا جاسکتا ہے کیونکہ پتہ چلا ہے کہ لوک سبھا ایوان کمیٹی نے وزارت ِ شہری امور کو اطلاع دے دی ہے کہ مہوا موئترا کو پارلیمنٹ کے ایوان ِ زیریں سے خارج کیا جاچکا ہے۔

 سمجھا جاتا ہے کہ وزیر امکنہ و شہری امور نے مہوا موئترا کا ٹیلی گراف لین والا بنگلہ خالی کروانے کا عمل شروع کردیا ہے۔ ذرائع نے یہ بات بتائی۔ پیسے لے کر پارلیمنٹ میں سوالات پوچھنے کے الزام میں اخلاقیات کمیٹی کی سفارش پر مہوا موئترا کوجمعہ کے دن لوک سبھا سے خارج کردیا گیا تھا۔