دو خاندانوں میں جھگڑا۔ کلہاڑی سے حملہ میں 5افرادزخمی

حیدرآباد: دوخاندانوں میں ہوئے جھگڑے کے بعد ایک شخص نے 5افراد پر کلہاڑی سے حملہ کرتے ہوئے زخمی کردیا۔

مقامی افرادنے زخمیوں کو علاج کیلئے اسپتال منتقل کردیاجن میں بعض کی حالت تشویشناک بتائی جاتی ہے۔

اس حملہ آور کی شناخت کے تروپتی کے طورپر کی گئی ہے۔تفصیلات کے مطابق تلنگانہ کے ضلع جگتیال کے گُنجاپڈوگو گاوں میں یہ واردات پیش آئی۔

مقامی افراد کے مطابق ملزم کا جھگڑا پولیس سے کسی بات پر ہوا تھا،جس کے بعد اس کو پولیس اسٹیشن منتقل کیاگیا تھااور اس کے خلاف کارروائی کی گئی تھی۔

ملزم نے بعض مخالفین پر اس کا شبہ ظاہر کرتے ہوئے ان سے جھگڑا کیا اوران پر حملہ کرکے زخمی کردیا۔اس واقعہ کے سبب گاوں میں کشیدگی پھیل گئی۔