پنجاب اور چنڈی گڑھ میں بارش سے موسم بدلا، سردی میں ہوا نمایاں اضافہ

چنڈی گڑھ: پنجاب اور چنڈی گڑھ میں موسم کے اچانک بدلنے سے گزشتہ رات سے جمعہ کی صبح تک تیز ہواؤں کے ساتھ ہوئی موسلا دھار بارش نے سردی میں مزید اضافہ کر دیا ہے۔ کئی علاقوں میں مسلسل بارش کے باعث معمولاتِ زندگی متاثر رہے۔

جالندھر میں ژالہ باری بھی ریکارڈ کی گئی، جس کے بعد پورے خطے میں تیز ہوائیں چلتی رہیں۔ ژالہ باری کے سبب فصلوں کو نقصان پہنچنے کا خدشہ بھی ظاہر کیا جا رہا ہے۔

ہماچل پردیش میں بھی برف باری جاری ہے۔ پہاڑی علاقوں میں سڑکوں پر برف سفید چادر بچھ گئی ہیں، جبکہ کھڑی گاڑیاں بھی برف سے ڈھک گئی ہیں۔ برف باری کے باعث بلند علاقوں میں سردی میں مزید اضافہ ہوا ہے اور بعض مقامات پر آمد و رفت بھی متاثر ہوئی ہے۔

پنجاب کے لدھیانہ، امرتسر سمیت کئی اضلاع میں بارش کے باعث درجۂ حرارت میں کمی درج کی گئی ہے۔ محکمۂ موسمیات کے اعداد و شمار کے مطابق ریاست میں سب سے کم کم از کم درجۂ حرارت ہوشیار پور میں 3.2 ڈگری سیلسیس ریکارڈ کیا گیا۔ چنڈی گڑھ اور آس پاس کے علاقوں میں بھی سرد ہواؤں نے ٹھٹھرن میں اضافہ کردیا ہے۔

محکمۂ موسمیات کے مطابق آج پورا دن موسم خراب رہنے کے آثار ہیں۔ وقفے وقفے سے بارش کا سلسلہ جاری رہ سکتا ہے اور بارش کے امکانات 78 فیصد تک ظاہر کیے گئے ہیں۔

مغربی خلل کے اثر کے تحت جالندھر، امرتسر اور لدھیانہ سمیت آس پاس کے اضلاع کے لیے اگلے دو دنوں تک بارش، گرج چمک اور ژالہ باری کے حوالے سے یلو الرٹ جاری کیا گیا ہے۔ لوگوں کو محتاط رہنے کا مشورہ دیا گیا ہے۔