تلنگانہ کے ضلع سدی پیٹ میں بارش سے فصلوں کو نقصان

حیدرآباد: تلنگانہ کے ضلع سدی پیٹ میں غیرموسمی بارش کے نتیجہ میں فصلوں کو نقصان پہنچاجس سے کسانوں میں تشویش کی لہردوڑگئی۔

گرج چمک اور تیز ہواؤں کے ساتھ ہوئی بارش کی وجہ سے خریداری کے مراکز میں لائی گئی دھان کو نقصان پہنچا۔ کئی مقامات پر تیز ہواؤں کے باعث آم بھی گرگئے۔

دوسری طرف ناگر کرنول ضلع کے اتچم پیٹ منڈل میں اس غیر موسمی بارش اورتیز ہواؤں کے باعث کئی دیہاتوں میں گھروں کی چھتیں اڑ گئیں جس سے مواضعات میں عوام کو شدید پریشانی کا سامناکرناپڑا۔

مقامی رکن اسمبلی ڈاکٹرومشی کرشنا نے اس بارش کے نتیجہ میں ہوئے نقصانات کا معائنہ کیا۔انہوں نے کسانوں کو یقین دہانی کروائی کہ حکومت ان کی ہر طرح سے مدد کو یقینی بنائے گی۔