حیدرآباد کے کئی علاقوں میں بارش، مزید موسلادھار بارش کا امکان

حیدرآباد: حیدرآباد آج صبح سے شدید گرمی کی لپیٹ میں تھا، جس کی وجہ سے لوگوں کو سخت مشکلات کا سامنا کرنا پڑ رہا تھا۔ تاہم، شام 4 بجے کے قریب موسم میں تبدیلی آئی، جس کے ساتھ ہی ٹھنڈی ہوائیں چلنے لگیں اور کئی مقامات پر موسلادھار بارش شروع ہو گئی۔ اس بارش کی وجہ سے حیدرآباد میں بھاری بارش کے باعث موسم خوشگوار ہوگیا۔

بارش کے آغاز کے ساتھ ہی لوگوں کو شدید گرمی سے راحت ملی۔ واضح رہے کہ شہر میں گزشتہ کل اور اس سے پہلے بھی کئی مقامات پر بارش ہوئی تھی۔ ٹولی چوکی، نامپلی، مہدی پٹنم، ایل بی نگر، چیتنیا پوری، بنجارہ ہلز، جوبلی ہلز، پنجہ گٹہ، خیریت آباد، سوماجی گوڑا، بیگم پیٹ اور دیگر کئی مقامات پر بارش ہوئی۔

ماہرین موسمیات نے پیش قیاسی کی ہے کہ جنوبی حیدرآباد میں آئندہ دو گھنٹوں کے دوران شدید بارش کا امکان ہے، جو شہر کے باسیوں کے لیے مزید راحت کا باعث بن سکتی ہے۔