جنوبی افریقہ بمقابلہ نیدرلینڈ کے میچ پر بارش کا سایہ

دھرم شالہ: ہماچل پردیش کرکٹ ایسوسی ایشن اسٹیڈیم میں منگل کو ہونے والے جنوبی افریقہ اور نیدرلینڈز کے درمیان آئی سی سی ورلڈ کپ کے 15ویں میچ پر بارش کا سایہ منڈرا رہا ہے۔

ہماچل پردیش میں گزشتہ تین دنوں سے وقفے وقفے سے بارش ہو رہی ہے۔ آج صبح بھی دھرم شالہ میں تیزبارش ہوئی۔

محکمہ موسمیات کے مطابق گزشتہ شب سے آج صبح 10 بجے تک دھرم شالہ میں 20 ملی میٹر بارش ہوئی ہے اور کم سے کم پارہ 11 ڈگری کے آس پاس ریکارڈ کیا گیا ہے۔

ایک روزہ ورلڈ کپ 2023 میں جنوبی افریقہ اچھی فارم میں ہے اور اب تک کھیلے گئے اپنے دونوں میچ جیت چکا ہے۔ جبکہ نیدرلینڈز کو اپنے میچوں میں شکست کا منہ دیکھنا پڑا ہے۔ یہاں ہونے والی بارش میچ میں خلل ڈال سکتی ہے۔