حیدرآبادمیں نادرفلکیاتی نظارہ‘ شہاب ثاقب کی بارش

حیدرآباد: نادرفلکیات کا نظارہ کرنے والوں کے لئے شہر کا آسمان ایکدم تیار ہے۔ یہ افراد شہر کے آسمان سے شہاب ثاقب کی بارش کا خوبصورت نظارہ کرسکتے ہیں۔

 پلانیٹری سوسائٹی آف انڈیا حیدرآبادکے ڈائرکٹر رگھو نندن راؤ نے کہاکہ ہر کوئی 16 سے 23 دسمبر کے درمیان مختلف اوقات میں 9بجے شب سے 5بجے صبح تک شہاب ثاقب کی بارش کا نظارہ کرسکتا ہے۔ ہر گھنٹہ میں 10 شہاب ثاقب زمین پر گرسکتے ہیں ۔

یہ نادرفلکیاتی نظارہ 23دسمبر کوخصوصیت کے ساتھ 2:25 بجے شب سے 5بجے صبح تک دیکھا جاسکتا ہے۔ پاتھیون نامی ایک سیارچہ‘سورج کے اطراف چکرلگاتے ہوئے چندماہ قبل زمین کے مدارمیں داخل ہوگیا تھا اور آپس میں ٹکرانے کے بعد یہ سیارچہ‘چھوٹے شہابیوں میں منتشرہوگیاہے ۔ انٹرنیشنل میٹیورولوجیکل آرگنائزیشن وئب سائٹ کے مطابق یہ ایک گھنٹہ میں 150 لائٹ بیم خارج کرتے ہیں۔