حیدرآباد

تمام مستحق خاندانوں کو راشن کارڈ جاری کئے جائیں گے: اتم کمارریڈی

راشن شاپس ڈیلرس نے کمیشن کو 140 روپے فی کنٹل سے بڑھاکر300 روپے فی کنٹل  مقررکرنے کا مطالبہ کیا اور دیہی اور شہری علاقوں میں 35 تا40 ہزار روپے فی کس ماہانہ مشاہیردینے کا مطالبہ کیا ہے۔

حیدرآباد: ریاستی وزیر سیول سپلائز این اتم کمار ریڈی نے کہا ہے کہ سنکرانتی تہوار کے بعد تمام مستحق خاندانوں کو راشن کارڈ جاری کئے جائیں گے۔ وہ آج اسمبلی میں وقفہ سوالات میں سی پی آئی رکن کے سامبا شیوا راؤ کے سوال کا جواب دے رہے تھے۔

متعلقہ خبریں
حج، خلوص، توبہ اور اطاعت کا سفر ہے، نہ کہ فخر و شہرت کا مظاہرہ – مفتی صابر پاشاہ
تلنگانہ کانگریس، 14 لوک سبھا حلقوں سے کامیاب ہوگی: اتم کمارریڈی
اساتذہ اخلاص و محبت کے ساتھ تعلیم دیں، اصلاح صرف سختی سے ممکن نہیں – تربیتی کیمپ میں علما کا خطاب
لفٹ میں ڈاکٹر کی موقع پر موت قطب اللہ پور میں المناک حادثہ
ہر خاندان سے ایک بچے کو حافظ قرآن اور عالم دین بنانے کی شدید ضرورت:حافظ پیر شبیر احمد

 جہاں تک راشن شاپ ڈیلرس کو ماہانہ مشاہیر کا سوال ہے اس ضمن میں فائل حکومت کے پاس روانہ کی جاچکی ہے۔ اس مسئلہ پر حکومت فیصلہ کرے گی۔ اتم کمار ریڈی نے بتایا کہ ریاست میں راشن شاپس کی مجموعی تعداد17256  ہے فی الفور راشن شاپس ڈیلرس کو فی کنٹل اناج پر ہر ماہ140 روپے کمیشن دیا جارہا ہے۔

راشن شاپس ڈیلرس نے کمیشن کو 140 روپے فی کنٹل سے بڑھاکر300 روپے فی کنٹل  مقررکرنے کا مطالبہ کیا اور دیہی اور شہری علاقوں میں 35 تا40 ہزار روپے فی کس ماہانہ مشاہیردینے کا مطالبہ کیا ہے۔

 ماہانہ اعزازیہ دینے سے حکومت پر مالی بوجھ میں اضافہ ہوگا چنانچہ اس مسئلہ کو حکومت سے رجوع کیا گیا ہے۔ انہوں نے بتایا کہ راشن شاپس ڈیلرس کے کمیشن میں اکتوبر2023 میں 70روپے فی کنٹل سے بڑھاکر140 روپے کیا گیا ہے۔