تلنگانہ میں ریڈ الرٹ

حیدرآباد: سمندری طوفان میچانگ کے پیش نظر ہندوستانی محکمہ موسمیات نئی دہلی نے تلنگانہ کے بعض حصوں کیلئے ریڈ الرٹ جاری کیا ہے۔

یہ طوفان منگل کو آندھراپردیش کے نیلور اور مچھلی پٹنم کے درمیان ساحل سے ٹکرائے گا۔ اس طوفان کے اثر سے 90تا100کیلو میٹر کی رفتار سے طوفانی ہوائیں چلیں گی۔

اس طوفان کی شدت کے پیش نظر محکمہ موسمیات نے تلنگانہ کیلئے ریڈ الرٹ جاری کرتے ہوئے کہا کہ منگل کو تلنگانہ میں بعض مقامات پر شدید سے شدید ترین بارش کا امکان ہے۔

اسی دوران تلنگانہ اسٹیٹ ڈیولپمنٹ پلاننگ کارپوریشن نے پیش قیاسی کی ہے کہ بھدرادری کتہ گوڑم’کھمم اور سوریہ پیٹ میں طوفان کے اثرات کے نتیجہ میں بارش ہوگی۔