تعلیم کے بجائے سل فون اورٹی وی دیکھنے پرسرزنش، مایوس ڈگری طالبہ کی خودکشی

حیدرآباد: تعلیم پر توجہ کے بجائے سل فون اورٹی وی دیکھنے پر والدین کی جانب سے کی گئی سرزنش پر مایوسی کے عالم میں ڈگری کی طالبہ نے خودکشی کرلی۔

یہ واقعہ تلنگانہ کے ضلع منچریال میں پیش آیا۔تفصیلات کے مطابق ضلع کے نرسنگاپور کی رہنے والی 18سالہ بی کیرتنا ایک پرائیویٹ کالج میں ڈگری سال اول میں زیرتعلیم تھی۔

وہ کچھ عرصہ سے تعلیم پر توجہ کے بجائے ٹی وی اور سل فون کا زیادہ استعمال کررہی تھی جس پر اس کے والدین نے اس کی سرزنش کی۔

اس نے مایوسی کے عالم میں گھر میں رکھی نامعلوم شئے پی لی جس کے بعد اس کی صحت خراب ہوگئی۔اس کو علاج کے لئے اسپتال منتقل کیاگیا جہاں علاج کے دوران اس کی موت ہوگئی۔