ریستوران کے کھانے میں ‘کیچڑ’ فوڈ لائسنس معطل

بھوپال: مدھیہ پردیش میں ملاوٹ سے چھٹکارے کی مہم کے تحت فوڈ سیفٹی ڈپارٹمنٹ کی ٹیم نے دارالحکومت بھوپال کے ایک ریستوران کے خلاف کارروائی کرتے ہوئے اس کا فوڈ لائسنس معطل کر دیا۔

سرکاری معلومات کے مطابق کل کھانے میں ‘کیچڑ’ پائے جانے کے فوراً بعد ایم پی نگر میں واقع ایک ریستوراں کا فوڈ لائسنس منسوخ کر دیا گیا۔ شکایت کنندہ نے موقع پر ویڈیو بنا کر فوڈ سیفٹی ڈپارٹمنٹ کو شکایت کی۔

شکایت کا نوٹس لیتے ہوئے نامزد افسر دیویندر کمار ورما کے ذریعہ جانچ کے لئے ہدایات دی گئیں۔ معائنہ کے دوران فوڈ لائسنس کی شرائط کی وسیع پیمانے پر خلاف ورزی پائے جانے پر متعلقہ ریستوران کا فوڈ لائسنس معطل کر دیا گیا ہے۔

اس کے ساتھ ہی شہر کے 10 نمبر اسٹاپ پر بغیر تاریخ اور لیبل کے قہوہ پیش کرنے والے کافی آپریٹر کے خلاف فوڈ سیفٹی اینڈ اسٹینڈرڈز ایکٹ کے تحت مقدمہ درج کیا گیا ہے۔ فروخت کے لیے دستیاب ملک شیک اور کافی کے نمونے لے لیے گئے ہیں۔