تلنگانہ میں عالمی سرمایہ کاری کو فروغ دینے کا منصوبہ، ریونت ریڈی

حیدرآباد : تلنگانہ کے چیف منسٹر اے ریونت ریڈی نے کہا ہے کہ ریاست کو عالمی سرمایہ کاری کے لیے ایک اہم منزل کے طور پر فروغ دیا جائے گا۔ انہوں نے حیدرآباد کے HITEX ایگزیبیشن سینٹر میں SAMAKHYA چیمبرز آف کامرس کے زیر اہتمام دو روزہ گلوبل بزنس میٹ 2026 کا افتتاح کرتے ہوئے ریاست کی معاشی ترقی کے منصوبوں اور طویل مدتی ویژن پر روشنی ڈالی۔

چیف منسٹر نے کہا کہ حکومت کا مقصد تلنگانہ کو 2034 تک ایک ٹریلین ڈالر اور 2047 تک 3 ٹریلین ڈالر کی معیشت بنانا ہے۔ انہوں نے صنعت کاروں، کاروباری اداروں اور سرمایہ کاروں سے اپیل کی کہ وہ ریاست کی ترقی میں شراکت دار بنیں اور نوجوان صنعت کاروں کو رہنمائی، تجربے اور سرمایہ کاری کے مواقع فراہم کریں۔

Cure، PURE اور RARE کے ذریعے ترقیاتی منصوبہ

ریونت ریڈی نے ریاست کی معاشی ترقی کے لیے تین خطوں پر مشتمل حکمت عملی پیش کی، جس کا مقصد شہری، صنعتی اور زرعی شعبوں کو فروغ دینا ہے۔