تلنگانہ کے ضلع جگتیال میں سڑک حادثہ۔ایک شخص ہلاک

حیدرآباد: تلنگانہ کے ضلع جگتیال میں پیش آئے سڑک حادثہ میں ایک شخص ہلاک اوردوسراشدید زخمی ہوگیا۔

یہ حادثہ آج صبح ضلع کے کوڈمیال منڈل کے پوڈوروعلاقہ کے بریج کے قریب اُس وقت پیش آیا جب دودوھ کی وین اور لاری کا تصادم ہوگیا۔

اس حادثہ میں ایک شخص ہلاک ہوگیاجبکہ لاری ڈرائیورشدیدزخمی ہوگیا جس کو علاج کے لئے اسپتال منتقل کردیاگیا۔

اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے جانچ شروع کردی۔