جگتیال میں سڑک حادثہ، 2 نوجوان ہلاک

حیدرآباد: تلنگانہ کے جگتیال شہر میں پیش آئے خطرناک سڑک حادثہ میں دو نوجوان ہلاک ہوگئے۔یہ حادثہ اتوار کی صبح کی اولین ساعتوں میں اُس وقت پیش آیا جب جگتیال بس اسٹینڈ کے قریب موٹرسائیکل چلانے والے نوجوان نے اس کا توازن کھودیا اور یہ بائیک ڈیوائیڈر سے ٹکراگئی۔

حادثہ کے نتیجہ میں دو نوجوان ہلاک ہوگئے۔حادثہ کا مقام دلخراش منظر پیش کررہاتھا۔ذرائع کے مطابق حادثہ اتنا خطرناک تھا کہ ایک نوجوان موقع پر ہی ہلاک ہوگیا جبکہ ایک نوجوان کی اسپتال میں علاج کے دوران موت ہوگئی۔

ایک نوجوان کی شناخت ملیال گاوں سے تعلق رکھنے والے گنگادھر کے طورپر کی گئی ہے جبکہ دوسرے نوجوان کی شناخت اوگولاپورگاوں کے رہنے والے کرپانند کے طورپر کی گئی ہے۔گنگادھر، اس حادثہ میں موقع پر ہی ہلاک ہوگیاجبکہ کرپانند کی موت اسپتال میں ہوئی۔