جشن آزادی کے روز مسافرین کیلئے آرٹی سی کی خصوصی رعایت۔ مکمل تفصیلات

حیدرآباد: یوم آزادی کے موقع پر ٹی ایس آرٹی سی نے منگل کے روز سٹی سرویسس اور پلے ویلگو بسوں دونوں میں اپنے مسافرین کو خصوصی رعایت دینے کا ا علان کیا ہے۔

پلے ویلگو میں سفر کرنے والے سینئر سٹیزنس(معمرین شہریوں) کو ٹکٹ پر 50 فیصد رعایت دی جائے گی جبکہ سٹی سرویسس میں T-24 ٹکٹ کیلئے جس سے 24 گھنٹوں میں لا محدود سفر کرسکتے ہیں۔ بالغوں کو 75 روپئے ادا کرنے ہوں گے۔

اس طرح بچوں کیلئے 50 روپئے جمع کرانا ہوگا۔ ٹی ایس آرٹی سی نے اپنے صحافتی اعلامیہ میں مسافرین سے خواہش کی کہ وہ یوم آزادی کے روز اس موقع سے استفادہ کریں۔