امریکی صدر کے گالی دینے پر روسی صدر کا معنی خیز جواب
ولادیمیر پوٹن سے جب صحافی سے اس سے متعلق سوال کیا تو وہ بولے کہ بائیڈن کے الفاظ یہ ثابت کرتے ہیں کہ امریکہ کے لیے یہ ہی بہتر ہوگا کہ بائیڈن دوبارہ صدر منتخب ہو جائیں۔
ماسکو: امریکی صدر جوبائیڈن کے گالی دینے پر روسی صدر ولادیمیر پوٹن نے معنی خیز جواب دیا ہے۔ میڈیا رپورٹس کے مطابق امریکہ کے صدر بائیڈن نے کیلی فورنیا میں تقریب سے خطاب کرتے ہوئے روس کے صدر پیوٹن کو پاگل ڈیش کا بچہ کہا تھا۔
ولادیمیر پوٹن سے جب صحافی سے اس سے متعلق سوال کیا تو وہ بولے کہ بائیڈن کے الفاظ یہ ثابت کرتے ہیں کہ امریکہ کے لیے یہ ہی بہتر ہوگا کہ بائیڈن دوبارہ صدر منتخب ہو جائیں۔
دسری جانب امریکی صدر کی طرف سے کیے گئے تبصروں کے جواب میں ترجمان کریملن دمتری پیسکوف نے کہا ہے کہ ’امریکی صدر کی جانب سے کسی دوسرے ملک کے رہنما کے خلاف ایسی زبان کے استعمال سے صدر پیوٹن کو کوئی فرق نہیں پڑتا البتہ ایسی زبان استعمال کرنے والوں کا دنیا میں وقار کم ہوتا ہے‘۔
دمتری پیسکوف نے کہا کہ جو بائیڈن اس طرح کے تبصرے کرکے ہالی ووڈ ہیرو بننے کی کوشش کررہے ہیں لیکن سچ کہوں تو مجھے نہیں لگتا کہ ایسا ممکن ہے۔
ترجمان نے مزید کہا کہ ’کیا پوتن نے کبھی آپ کو مخاطب کرنے کے لیے غیر مہذب الفاظ استعمال کیے ہیں؟ ایسا کبھی نہیں ہوا، اس لیے میں سمجھتا ہوں کہ اس طرح کے الفاظ استعمال کرکے امریکا خود ہی بدنام ہورہا ہے‘۔
واضح رہے کہ گزشتہ روز سان فرانسسکو میں ایک تقریب کے دوران جوبائیڈن نے پوتن کو گالی دیتے ہوئے کہا کہ اس جیسے دیگر رہنما مسائل پیدا کرسکتے ہیں جس کی وجہ سے ہمیں جوہری تنازعہ پر فکرمند رہنا پڑتا ہے۔
