ریونت ریڈی کی رہائش گاہ کے قریب سیکوریٹی کے انتظامات

حیدرآباد: پولیس نے تلنگانہ کے نامزد وزیر اعلیٰ ریونت ریڈی کی حیدرآباد میں واقع رہائش گاہ پر سخت سیکوریٹی انتظامات کیے ہیں۔ رہائش گاہ سے 200 میٹر کے فاصلے پر رکاوٹیں کھڑی کر دی گئی ہیں اور مختلف پابندیاں عائد کر دی گئی ہیں۔

انٹلی جنس پولیس پہلے ہی ریونت کی رہائش گاہ کے آس پاس کے علاقوں کا معائنہ کر چکی ہے۔ ریونت ریڈی کل صبح اپنے جوبلی ہلز گھر سے ایل بی اسٹیڈیم میں حلف برداری کی تقریب میں شرکت کیلئے جائیں گے۔ اسی دوران بلدیہ کے عہدیداروں نے ان کے گھر کو جانے والے راستوں کی صفائی اور ان کو بہتر بنانے کا کام کیا ہے۔