سیلفی کا جنون، سرینگر میں خاتون نے جان کھودی

سرینگر: جموں وکشمیر کی گرمائی راجدھانی سری نگر میں پیر کے روز سلفی لینے کے دوران ایک خاتون ٹرین کی زد میں آکر ہلاک گئی۔

ذرائع نے بتایا کہ سری نگر میں ایک خاتون ریلوے پٹریوں کے کنارے سیلفی لے رہی تھی کہ اسی اثنا میں ٹرین آگئی اور اس کو زور دار ٹکر ماری جس کے نتیجے میں خاتون کی برسر موقع موت واقع ہوگئی۔

متوفی خاتون کی شناخت کے بارے میں پولیس نے جانچ پڑتال شروع کی ہے۔ معلوم ہوا ہے کہ سری نگر بڈگام ریلوے ٹریک پر یہ حادثہ پیش آیا ۔

پولیس نے کیس درج کرکے مزید تحقیقات شروع کردی ہیں۔