سینئر آئی پی ایس عہدیدار راجیو رتن چل بسے

حیدرآباد: سینئر آئی پی ایس عہدیدار راجیو رتن دل کا دورہ پڑنے کے سبب منگل کی صبح حیدرآباد کے ایک پرائیویٹ اسپتال میں چل بسے۔

1991بیاچ سے تعلق رکھنے والے آئی پی ایس عہدیدارڈائرکٹر جنرل ویجلنس اینڈ انفورسمنٹ کے طورپر خدمات انجام دے رہے تھے۔

انہوں نے قبل ازیں مختلف عہدوں پرمتحدہ آندھراپردیش اورتلنگانہ میں خدمات انجام دی تھیں۔

اطلاعات کے مطابق انہوں نے سینہ میں درد کی شکایت کی جس کے بعد ان کو ایک اسپتال منتقل کیاگیا جہاں دل کا دورہ پڑنے سے ان کی موت ہوگئی۔

اطلاع ملتے ہی سینئر پولیس عہدیداروں نے اسپتال پہنچ کر ان کوخراج پیش کیا۔