آندھراپردیش کے نیلور ریلوے سٹیشن میں بم کی جھوٹی اطلاع سے سنسنی

حیدرآباد: آندھراپردیش کے نیلور ریلوے سٹیشن میں بم کی جھوٹی اطلاع سے سنسنی پھیل گئی۔

ایک نامعلوم شخص نے کال کر کے بتایا کہ پلیٹ فارم پر بم رکھا گیا ہے جو جلد ہی پھٹ جائے گا۔

یہ معاملہ ریلوے اسٹیشن کے عملے کے علم میں لایا گیا جس کے بعد بم اسکواڈ اور ڈاگ اسکواڈ نے ریلوے اسٹیشن کی مکمل جانچ کی۔

مسافروں کو ریلوے سٹیشن سے دور بھیج دیا گیا اور پارسل سنٹر کے ساتھ ساتھ دیگر علاقوں کی جانچ کی گئی تاہم کوئی بم برآمد نہیں ہوا جس کے ساتھ ہی مسافرین نے راحت کی سانس لی۔