سدھی ضلع میں سڑک حادثے میں سات مسافر ہلاک اور ایک درجن زخمی

سدھی: مدھیہ پردیش کے سدھی ضلع میں آج صبح پیش آئے ایک سڑک حادثے میں مسافر گاڑی میں سوار سات افراد ہلاک اور ایک درجن سے زیادہ زخمی ہو گئے۔

پولیس ذرائع کے مطابق حادثہ سدھی ضلع ہیڈکوارٹر سے چند کلومیٹر دور قومی شاہراہ پر پٹرول پمپ کے قریب مسافر گاڑی اور ٹرک کے درمیان ٹکر کے باعث پیش آیا۔ زخمیوں کو یہاں کے ضلع اسپتال میں داخل کرایا گیا ہے۔

کچھ شدید زخمیوں کو بہتر علاج کے لیے ریوا اسپتال بھیجا گیا ہے۔

بتایا جاتا ہے کہ ایک ہی خاندان کے کچھ افراد ایک بڑی گاڑی میں سوار ہو کر ضلع میہر کی مذہبی یاترا پر جا رہے تھے۔

صبح تقریباً تین بجے یہ گاڑی سامنے سے آنے والے ٹرک سے ٹکرا گئی۔

حادثے کے بعد جیپ میں سوار لوگوں کو یہاں ضلع اسپتال لایا گیا، جن میں سے سات افراد کو مردہ قرار دے دیا گیا۔