وزیراعلی کا دورہ، کئی اپوزیشن لیڈران گرفتار

حیدرآباد:  فصلوں کو بے موسم بارش سے ہوئے نقصانات کا جائزہ لینے کے لئے وزیراعلی کے چندرشیکھرراو کے مختلف اضلاع کے دورہ کے موقع پر امکانی احتجاج کے پیش نظر اپوزیشن کے کئی قائدین کو احتیاطی طورپر گرفتار کرلیاگیا۔

 محبوب آباد ضلع کے پداونگرمنڈل میں بی جے پی اورکانگریس لیڈروں کو گرفتار کیاگیا۔

 دورناکل حلقہ میں بی جے پی، کانگریس اور سی پی آئی ایم کے کارکنوں کو گرفتار کیاگیا۔

 جئے شنکر بھوپال پلی ضلع کے موگلاپلی، تیکومتلا اور چتیالا منڈلوں میں کانگریس کے لیڈروں کو بھی حراست میں لیا گیا۔

وزیراعلی کے دورہ کے پیش نظر پولیس نے چوکسی اختیار کی ہے جس نے سیکوریٹی کے سخت انتظامات کیے ہیں۔