مغربی کنارے کی جھڑپوں میں متعدد فلسطینی زخمی

غزہ: مغربی کنارے میں اسرائیلی فوج کے ساتھ جھڑپوں کے دوران درجنوں فلسطینیوں کے زخمی ہونے کی اطلاع ملی ہے۔

رپورٹ کے مطابق فوجیوں نے مظاہرین پر حملہ کیا اور ان پر آنسو گیس پھینکی جس کے نتیجے میں درجنوں فلسطینی زخمی ہوگئے۔

فلسطین کی ڈبلیو اے ایف اے خبر رساں ایجنسی نے رپورٹ کیا کہ جمعہ کو اسرائیلی سیکورٹی اہلکاروں کے ساتھ جھڑپوں کے دوران پانچ فلسطینیوں اور ایک غیر ملکی کارکن کو گولی لگی۔

 خبر رساں ادارے کے مطابق آنسو گیس کے گولے داغے جانے کے بعد کئی فلسطینیوں میں دم گھٹنے کی علامات دیکھی گئیں۔