شہرحیدرآباد کے نواحی علاقوں میں شدید کہر

حیدرآباد: شہرحیدرآباد کے نواحی علاقوں میں شدید کہر دیکھی جارہی ہے۔

راجندرنگر پی وی این آروے پر شدید کہر کی وجہ سے گاڑی سواروں کو مشکلات کا سامنا ہے جو صبح کے اوقات میں بھی اپنی گاڑیوں کی ہیڈ لائٹس کھولتے ہوئے گاڑیاں چلانے پر مجبور ہیں۔

کہرکی وجہ سے مخالف سمت سے آنے والی گاڑیاں نظرنہیں آرہی ہیں جس کے نتیجہ میں سڑکوں پر کئی حادثات بھی پیش آرہے ہیں۔

کہر کی وجہ سے حیدرآبادکے شمس آباد ایرپورٹ پر طیاروں کی آمد وروانگی میں بھی مشکلات کاسامنا ہونے کی اطلاعات ملی ہیں۔