شروعاتی کاروبار میں شیئر بازارمیں گراوٹ
سینسیکس کی کمپنیوں میں ٹاٹا اسٹیل اور انڈیگو کے شیئر دو فیصد نیچے ہیں۔ ایشین پینٹس، ماروتی سوزوکی، ایچ ڈی ایف سی بینک، اٹرنل، بجاج فنسرو، ایل اینڈ ٹی، بجاج فنانس، بی ای ایل اور الٹرا ٹیک سیمنٹ کے شیئر بھی ایک فیصد سے زیادہ نیچے چل رہے ہیں۔ ٹی سی ایس، این ٹی پی سی، ایچ سی ایل ٹیکنالوجی اور پاور گرڈ کے شیئر فی الحال اوپر ہیں۔
ممبئی: مغربی ایشیا میں تناؤ بڑھنے سے پیر کو گھریلو شیئر بازاروں کی شروعات گراوٹ کے ساتھ ہوئی۔
بی ایس ای کا سینسیکس 606.04 پوائنٹ ٹوٹ کر 76,963.35 پوائنٹ پر کھلا۔ خبر لکھے جانے تک یہ 591.33 پوائنٹ (0.76 فی صد) نیچے 77,569.39 پوائنٹ پر تھا۔ گزشتہ ہفتے کے آخر میں مغربی ایشیا میں تناؤ بڑھ گیا۔ امریکہ نے ایران پر اور ایران نے خلیج کے کئی ممالک میں امریکی فوجی ٹھکانوں پر حملے کیے ہیں۔ اس سے بین الاقوامی بازاروں میں خام تیل کی قیمتیں بڑھ گئیں اور ایشیائی شیئر بازار گراوٹ میں کھلے۔
نیشنل اسٹاک ایکسچینج کا نفٹی-50 انڈیکس بھی 167.50 پوائنٹ لڑھک کر 24,039.40 پوائنٹ پر کھلا۔ خبر لکھے جانے تک یہ 174.45 پوائنٹ یعنی 0.72 فی صد گر کر 24,032.45 پوائنٹ پر رہا۔ بازار میں چوطرفہ بکوالی دیکھی جا رہی ہے۔
میڈیا کو چھوڑ کر دیگر تمام سیکٹر دباؤ میں ہیں۔ بینکنگ، فنانس، آٹو، ایف ایم سی جی، دھات، رئیلٹی، پائیدار کنزیومر پروڈکٹس اور کیمیکل گروپوں کے انڈیکس میں گراوٹ زیادہ ہے۔ آئی ٹی انڈیکس برتری کے ساتھ کھلا تھا، لیکن بعد میں سرخ نشان میں چلا گیا۔
سینسیکس کی کمپنیوں میں ٹاٹا اسٹیل اور انڈیگو کے شیئر دو فیصد نیچے ہیں۔ ایشین پینٹس، ماروتی سوزوکی، ایچ ڈی ایف سی بینک، اٹرنل، بجاج فنسرو، ایل اینڈ ٹی، بجاج فنانس، بی ای ایل اور الٹرا ٹیک سیمنٹ کے شیئر بھی ایک فیصد سے زیادہ نیچے چل رہے ہیں۔ ٹی سی ایس، این ٹی پی سی، ایچ سی ایل ٹیکنالوجی اور پاور گرڈ کے شیئر فی الحال اوپر ہیں۔
