مولانا محسن خلیلی کی عمرہ روانگی سے قبل حیدرآباد میں شالپوشی اور گلپوشی

حیدرآباد: گلبرگہ شریف کے نوجوان عالم دین اور ہفت روزہ جنوبی ہند کے ایڈیٹر مولانا محمد محسن خلیلیؔ اپنی اہلیہ اور خوشدامن کے ہمراہ عمرہ اور زیارت نبویؐ کے لیے سعودی عرب روانہ ہو گئے۔

ان کی روانگی سے قبل محی منزل، بہادر پورہ حیدرآباد میں ایک تقریب منعقد کی گئی، جس میں کُل ہند انجمن طلبائے قدیم جامعہ نظامیہ اور کُل ہند سنی علماء مشائخ بورڈ کے بزرگ علماء نے ان کی عزت افزائی کی۔

تقریب میں جامعہ نظامیہ کے مفسر قرآن حکیم حضرت علامہ محمد محی الدین قادری محمودی اور مولانا محمد محسن پاشاہ انصاری قادری نقشبندی مجددی کے علاوہ دیگر اہم علماء اور شخصیات نے شرکت کی۔

اس موقع پر مولانا محسن خلیلیؔ کی شال پوشی اور گلپوشی کی گئی، اور ان کے لیے دعا کی گئی کہ اللہ تعالیٰ ان کی عمرہ کی عبادت کو قبول کرے۔

علماء نے اس موقع پر عالم اسلام بالخصوص فلسطین میں جنگ بندی اور مسجد اقصیٰ کی بازیابی کے لیے دعا کی اور حرمین شریفین اور دیگر مقدس مقامات میں رقت آمیز دعاؤں کی خواہش کی۔

تقریب میں محمد ظہیر الدین، محمد معین مازن انصاری، اور محمد خلیل محمودی کے علاوہ دیگر افراد بھی موجود تھے۔

آخرکار، مولانا محسن خلیلیؔ سعودی عرب پہنچ چکے ہیں اور الحمدللہ عمرہ بھی مکمل کر لیا ہے۔