سونیاگاندھی ریٹائرنہیں ہوں گی: الکالامبا

رائے پور: سونیاگاندھی کے یہ کہنے کے بعد ان کی اننگز ختم ہوچکی ہے‘ کانگریس ترجمان الکالامبا نے اتوار کے دن کہا کہ وہ ریٹائرنہیں ہوئی ہیں۔ وہ آشیرواد دیتی رہیں گی اور رہنمائی کرتی رہیں گی۔

کانگریس پلینیری سیشن میں الکالامبا نے کہا کہ مجھے سونیاگاندھی جی سے دو منٹ بات چیت کرنے کا موقع ملا۔ میں نے ان سے کہا کہ میڈم‘ کل کے آپ کے بیان کی تشریح ایسے ہوئی ہے جیسے آپ سیاست سے سبکدوش ہورہے ہیں۔

 مجھے یہ بتاتے ہوئے کہ خوشی ہے کہ سونیاجی نے مجھ سے کہا کہ ہمیں ان کا آشیرواد اور رہنمائی مستقبل میں ملتی رہے گی۔ الکالامبانے کہا کہ مندوبین اور قوم کو اطلاع دی جاتی ہے کہ سونیاگاندھی سیاست سے ریٹائر نہیں ہورہی ہیں۔