اسپائس جیٹ 5 فروری سے احمد آباد تا شارجہ پروازیں شروع کرے گی

نئی دہلی: کفایتی ایئر لائن اسپائس جیٹ اگلے ماہ احمد آباد، گجرات سے شارجہ کے لیے پروازیں شروع کرے گی۔

ایئر لائن نے منگل کو ایک پریس ریلیز میں کہا کہ نئی پرواز منگل اور بدھ کے علاوہ ہفتے میں پانچ دن دستیاب ہوگی۔ یہ نان اسٹاپ سروس 5 فروری سے شروع ہوگی اور اس کے لیے بکنگ شروع ہو گئی ہے۔

ریلیز میں کہا گیا ہے کہ یہ نئی پرواز متحدہ عرب امارات (یو اے ای) اور ہندوستان کے درمیان فضائی رابطے میں اضافہ کرے گی۔ دبئی کے بعد متحدہ عرب امارات میں یہ اس کی دوسری منزل ہوگی۔

اسپائس جیٹ کے چیف بزنس آفیسر ڈیبوجو مہارشی نے کہا کہ متحدہ عرب امارات کے ثقافتی دارالحکومت اور ایک اہم علاقائی مرکز کے طور پر شارجہ ایئر لائن کے نیٹ ورک سے جڑنے والا ایک اہم شہر ہے۔