اسپائس جیٹ کا 1400 ملازمین کو ملازمت سے فارغ کرنے کا منصوبہ
بحران زدہ اسپائس جیٹ، آنے والے دنوں میں اپنے کم از کم1ہزار ملازمین کو گلابی سلپس (ملازمتوں سے برطرفی کا پروانہ) حوالے کرسکتی ہے کیوں کہ ایرلائن، اپنے اخراجات گھٹانے اور اپنے گھٹے ہوئے بیڑے کی سرگرمیوں کو درست کرنا چاہتی ہے۔
ممبئی: بحران زدہ اسپائس جیٹ، آنے والے دنوں میں اپنے کم از کم 1400 ملازمین کو گلابی سلپس (ملازمتوں سے برطرفی کا پروانہ) حوالے کرسکتی ہے کیوں کہ ایرلائن، اپنے اخراجات گھٹانے اور اپنے گھٹے ہوئے بیڑے کی سرگرمیوں کو درست کرنا چاہتی ہے۔
مالی پریشانیوں، قانونی جنگوں اور دیگر مشکلات کا سامنا کررہی ایر لائن کمپنی‘ اپنے مزید اسٹاف کو رخصت ہوجانے کو کہہ سکتی ہے کیوں کہ طیاروں کی تعداد کے مقابلے میں زائد افرادی قوت ہے۔
ملازمتوں کو نوکری سے فارغ کرنے کا قطعی فیصلہ اس ہفتہ متوقع ہے۔ ایرلائن میں فی الحال 9ہزار ملازمین ہیں اور اب وہ اس تعدادمیں 10-15 فیصد تخفیف کرنے کی خواہاں ہے۔
ایک عہدیدار نے کہا کہ مجموعی مصارف کو گھٹانے یہ قدم ضروری جس سے سالانہ100کروڑ روپئے تک کی بچت ہوسکتی ہے۔
15فیصد تخفیف کا مطلب‘ تقریباً1350 افراد اپنی نوکری سے ہاتھ دھوئیں گے۔ ایک اور عہدیدار نے کہا کہ فارغ کرنے کا عمل‘ مختلف محکموں میں ہوسکتا ہے اور قطعی فہرست تیارکی جارہی ہے۔
