سکندرآباد سے بھارت گورؤ ٹرین کا آغاز

حیدرآباد: تلگو کی دونوں ریاستوں تلنگانہ اور آندھرا پردیش سے بھارت گورؤ ٹرین نے ہفتہ کے روز سکندرآباد ریلوے اسٹیشن سے اپنا سفر شروع کیا ہے۔ اسٹیشن کے احاطہ میں تہوار جیسا ماحول دیکھا گیا جہاں ریل یاتریوں کا روایتی انداز میں خیرمقدم کیا جبکہ کچی پوڈی کی رقاصاؤں نے تلنگانہ اور اے پی کی تہذیب وثقافت کو اجاگر کیا۔

 جنرل منیجر ساؤتھ سنٹرل ریلوے ارون کمار جین نے صدر نشین ومنیجنگ ڈائرکٹر آئی آر سی ٹی سی رجنی ہیجا کی موجودگی میں ریل یاتریوں میں خیرمقدمی کٹس حوالے کیا۔

اس موقع پر ریلوے کے دیگر سینئر عہدیدار موجود تھے بھارت گورؤ ٹرین جیسے پونیا کیشترا یاترا پوری۔ کاشی۔ ایودھیا سے موسوم کیا گیا ہے، کو انڈین ریلویز کیئرنگ اینڈ ٹورازم کارپوریشن نے متعارف کرایا ہے۔