یوم تاسیس تلنگانہ بڑے پیمانہ پرمنانے کے اقدامات

حیدرآباد: تلنگانہ حکومت بڑے پیمانہ پر یوم تاسیس تلنگانہ کی تقاریب منانے کیلئے اقدامات کررہی ہے۔

2 جون کو ریاست تلنگانہ دسویں سال میں داخل ہوجائے گی۔

حکومت ان تقاریب کو یادگار بنانے کے سلسلہ میں کام کررہی ہے۔

علحدہ تلنگانہ ریاست کے حصول کے لئے اپنی جانوں کی قربانی دینے والے شہدا کو زبردست خراج عقیدت پیش کرنے حیدرآباد کے قلب میں سکریٹریٹ کے سامنے شہداء کی یادگار کی تعمیر مکمل کر لی گئی ہے۔

وزیراعلی کے چندرشیکھرراو، یکم جون کو اس یادگار کا افتتاح کریں گے۔

اگلے دن ریاست کے یوم تاسیس کی تقاریب ہوں گی۔

ریاست بھر میں تہوار کے ماحول میں ان تقاریب کے انعقاد کے لئے اقدامات کیے جا رہے ہیں۔

حکومت جون میں مزید پروگرام منعقد کرنے کا منصوبہ رکھتی ہے۔