کھرگون میں بڑا حادثہ، بس کے پل سے نیچے گرنے سے 15 افراد ہلاک

کھرگون: مدھیہ پردیش کے کھرگون ضلع میں آج صبح ایک مسافر بس پلیا سے نیچے گرنے کے سبب تقریباً 15 مسافروں کی موت ہو گئی۔

اس تھانہ علاقے میں پیش آئے اس حادثے میں تین بچوں کی بھی موت ہو گئی ہے۔ وہیں دو درجن کے قریب لوگ زخمی ہوئے ہیں۔

کھرگون کے سب ڈویژنل پولیس افسر راکیش موہن شکلا نے بتایا کہ اندور جانے والی بس صبح تقریباً 9.15 بجے ضلع ہیڈکوارٹر سے تقریباً 34 کلومیٹر دور ڈونگرگاؤں کے نزدیک بوراڈ ندی کی پلیا کی ریلنگ توڑ کر نیچے گر گئی۔

دریا میں پانی نہیں تھا۔ حادثے میں 3 بچوں اور 6 خواتین سمیت 15 افراد کی موت ہو گئی ہے، جب کہ 24 دیگر زخمیوں کو ضلع اسپتال میں داخل کرایا گیا ہے۔

انہوں نے بتایا کہ فی الحال بس ڈرائیور کا پتہ نہیں چل سکا ہے۔ ابتدائی اطلاعات کے مطابق ایسا معلوم ہوتا ہے کہ اسے نیند کا جھپکی آگئی تھی۔

گاؤں والوں نے پولیس کے پہنچنے سے پہلے ہی اپنے وسائل سے پلٹی ہوئی بس کو سیدھا کیا اور کئی زخمی مسافروں کو بچا لیا۔ انہوں نے بتایا کہ شہریوں نے انہیں اپنی گاڑیوں سے اسپتال پہنچایا۔

ضلع کلکٹر شیوراج سنگھ ورما اور پولیس سپرنٹنڈنٹ ڈی ایس یادو اور دیگر اہلکار موقع پر پہنچ گئے ہیں۔