اسٹوکس‘ ورلڈکپ کیلئے ونڈے ریٹائرمنٹ واپس لیں گے!

لندن: انگلینڈ کی ٹسٹ ٹیم کے کپتان اور دنیا کے بہترین آل راؤنڈرس میں سے ایک بین اسٹوکس ریٹائرمنٹ سے باہر آکر ہندوستان میں ہونے والے ونڈے ورلڈکپ میں کھیلنے کیلئے تیار ہیں۔ بن اسٹوکس ونڈے ورلڈکپ کھیلنے کیلئے آئی پی ایل کی قربانی بھی دینے تیار ہیں۔

 اطلاعات کے مطابق بین اسٹوکس ریٹائرمنٹ واپس لینے کیلئے تیار ہیں۔ انگلش ٹیم کے ایک کھلاڑی نے کہاکہ اسٹوکس ونڈے ریٹائرمنٹ واپس لیکر ہندوستان میں ہونے والے ورلڈکپ میں انگلینڈ کی نمائندگی کیلئے تیار ہیں۔

واضح رہے کہ گذشتہ دنوں آسٹریلیا کے خلاف تاریخی ایشز سیریز کے اختتام پر بن اسٹوکس نے کہا تھاکہ وہ ونڈے ریٹائرمنٹ واپس نہیں لیں گے۔ تاہم اب ان کے قریبی کھلاڑیوں نے دعویٰ کیاہے کہ اسٹوکس ورلڈ کپ میں ایک مرتبہ پھر ایکشن میں ہوں گے۔