آوارہ کتوں کا ماں اور بیٹے پر حملہ (ویڈیو وائرل)

حیدرآباد: تلنگانہ کے مختلف علاقوں میں آوارہ کتوں کے حملے عوام کے لیے شدید پریشانی کا باعث بنے ہوئے ہیں۔ حیدرآباد سمیت اضلاع میں بھی روزانہ آوارہ کتوں کے حملوں کی خبریں سوشل میڈیا اور اخبارات میں گردش کر رہی ہیں۔

تازہ ترین واقعہ کریم نگر شہر کے 53 ڈیویژن میں پیش آیا، جہاں ویمنس کالج کے قریب ایک خاتون اور اس کے بچے پر آوارہ کتوں نے حملہ کردیا ۔ خاتون کی چیخ و پکار سن کر محلے کے لوگوں نے موقع پر پہنچ کر کتوں کو بھگادیا۔

اس حملہ کی ویڈیو سوشل میڈیا پر تیزی سے وائرل ہو رہی ہے، جس میں تلنگانہ کے وزیر پونم پربھاکر کو بھی ٹیگ کیا گیا۔ ویڈیو کے بعد وزیر نے فوری طور پر ضلع کلکٹر اور میونسپل کمشنر کو آوارہ کتوں کے مسئلے سے نمٹنے کے لیے فوری اقدامات کرنے کی ہدایت دی ہے۔