بلند عمارت سے گرنے کے نتیجہ میں طالبہ کی موت

حیدرآباد: بلند عمارت سے گرنے کے نتیجہ میں انٹرمیڈیٹ کی طالبہ کے ہلاک ہونے کا افسوسناک واقعہ پیش آیا۔اس طالبہ جس کی شناخت تلنگانہ کے بھدرادری کوتہ گوڑم سے تعلق رکھنے والی 17سالہ پرینکا کے طورپر کی گئی ہے، حیدرآباد کے حیات نگر، پرگتی نگر میں ایک پرائیویٹ کالج میں تعلیم حاصل کررہی تھی۔

 وہ یہاں انٹرمیڈیٹ میں زیرتعلیم تھی۔ساتھ ہی وہ نیٹ کی کوچنگ بھی لے رہی تھی۔کل شب یہ نابالغ لڑکی ہاسٹل کی چھت پر گئی جہاں سے اس نے کود کرخودکشی کرلی۔پولیس نے لڑکی کی لاش کو پوسٹ مارٹم کے لئے عثمانیہ اسپتال منتقل کیا۔پولیس نے اس سلسلہ میں ایک معاملہ درج کرکے جانچ شروع کردی۔