چینی ایک ہفتے میں 287 روپے سستی، خوردنی تیلوں میں تیزی جاری
گھریلو تھوک منڈیوں میں گزشتہ ہفتے چینی 287 روپے سستی ہو گئی۔ چینی کے ساتھ چاول اور گندم میں بھی نرمی رہی، جبکہ خوردنی تیلوں کی قیمتوں میں اضافہ دیکھا گیا اور دالوں کے بھاؤ میں اتار چڑھاؤ کا رخ رہا۔
نئی دہلی: گھریلو تھوک منڈیوں میں گزشتہ ہفتے چینی 287 روپے سستی ہو گئی۔ چینی کے ساتھ چاول اور گندم میں بھی نرمی رہی، جبکہ خوردنی تیلوں کی قیمتوں میں اضافہ دیکھا گیا اور دالوں کے بھاؤ میں اتار چڑھاؤ کا رخ رہا۔
گزشتہ ہفتے چینی کا اوسط تھوک بھاؤ 287 روپے گر کر ہفتے کے اختتام پر 5,687 روپے فی کوئنٹل رہ گیا۔ خودرہ مارکیٹ میں بھی اس کی اوسط قیمت 2.36 روپے ٹوٹ کر 61.52 روپے فی کلوگرام پر آ گئی۔ تھوک بازار میں گڑ کی قیمت میں 10 روپے فی کوئنٹل کا اضافہ ہوا۔
ہفتے کے دوران چاول کی اوسط قیمت 13 روپے گر کر 4,121 روپے فی کوئنٹل رہ گئی۔ گندم بھی دو روپے سستا ہو کر 2,865 روپے فی کوئنٹل بولا گیا، جبکہ آٹے کا بھاؤ 12 روپے چڑھ کر 3,337 روپے فی کوئنٹل ہو گیا۔
دالوں کی منڈی میں چنا دال کی اوسط قیمت 29 روپے اور ارہر دال کی 22 روپے فی کوئنٹل بڑھی۔ اڑد دال بھی پانچ روپے مہنگی ہوئی۔ دوسری جانب مونگ دال 30 روپے اور مسور دال 15 روپے فی کوئنٹل سستی ہو گئی۔
خوردنی تیلوں میں پام آئل کی اوسط قیمت 210 روپے اور سورج مکھی کے تیل میں 100 روپے فی کوئنٹل کا اضافہ ہوا۔ سرسوں کا تیل 57 روپے اور مونگ پھلی کا تیل 56 روپے مہنگا ہوا۔ سویا تیل کی قیمت میں 25 روپے اور نباتاتی گھی (ونسپتی) میں 22 روپے فی کوئنٹل کا اضافہ درج کیا گیا۔
