کابل میں خودکش حملہ، 20 افراد کی ہلاکت کا خدشہ

کابل: افغانستان کے دارالحکومت کابل میں آج دفتر وزارت خارجہ کے سامنے ایک خودکش حملہ آور کے بم دھماکے میں کم از کم 20 افراد کی ہلاکت کا خدشہ ہے۔

پولیس ترجمان کا کہنا ہے کہ اب تک ہلاکتوں کی صحیح تعداد معلوم نہیں ہو سکی۔ اس واقعہ میں متعدد افراد کے ہلاک ہونے کا خدشہ ہے۔

پولیس کے مطابق خودکش حملہ آور کے خود کو بارودی مواد سے اڑانے کے بعد زور دار دھماکہ ہوا۔

کابل کے سیکورٹی ڈپارٹمنٹ کے ترجمان خالد زدران نے ٹویٹر پر کہا: "آج تقریباً 4:00 بجے وزارت خارجہ کی سڑک پر ایک دھماکہ ہوا، جس میں بدقسمتی سے بہت سی ہلاکتیں ہوئیں۔”

مسٹر زدران نے کہا کہ سیکورٹی فورسز موقع پر پہنچ گئی ہیں۔

ایک ایجنسی نے بتایا کہ افغان دارالحکومت میں ایک خودکش حملہ آور نے دھماکہ خیز مواد سے دھماکہ کیا جس میں 20 سے زائد افراد ہلاک ہو گئے۔

اطلاعات کے مطابق بدھ کے روز دارالحکومت کابل میں افغانستان کی وزارت خارجہ کے نزدیک ایک خودکش بمبار نے دھماکہ کیا جس میں 20 سے زائد افراد ہلاک ہو گئے۔

جائے وقوع کے نزدیک ایک ڈرائیور جمشید کریمی نے کہا، "مجھے نہیں معلوم کہ ان میں سے کتنے ہلاک یا زخمی ہوئے ہیں۔” انہوں نے کہا کہ میں نے اس شخص (خودکش حملہ آور) کو خود کو دھماکے سے اڑاتے ہوئے دیکھا۔

خیال رہے کہ جب سے ملک میں طالبان کی حکومت آئی ہے ایسے واقعات رونما ہو رہے ہیں جن میں متعدد افراد ہلاک اور زخمی ہو چکے ہیں۔