پاکستانی چوکی پر حملہ، 5 فوجی اور 5 دہشت گرد ہلاک

اسلام آباد: افغان سرحد کے قریب دہشت گردوں نے ایک پاکستانی فوجی چوکی پر حملہ کیا۔ فائرنگ کے تبادلہ میں کم ازکم 5 فوجی ہلاک ہوگئے۔ عہدیداروں نے پیر کے دن یہ بات بتائی۔

4 گھنٹے جاری رہی بندوقوں کی لڑائی میں کم ازکم 5 دہشت گرد بھی مارے گئے۔ مقامی عہدیدار عطاء اللہ شاہ نے جرمن نیوز ایجنسی ڈی پی اے کو یہ بات بتائی۔ تازہ حملہ افغانستان کی صوبہ ننگرہار سے متصل خیبر کے پہاڑی علاقہ میں ہوا۔

پاکستانی طالبان نے آج صبح کے اس حملہ کی ذمہ داری قبول کرلی۔ ایک دن قبل اسی علاقہ میں 5 عسکریت پسند اور 2 سپاہی فائرنگ کے تبادلہ میں ہلاک ہوئے تھے۔

پی ٹی آئی کے بموجب گڑبڑ زدہ شمال مغربی صوبہ خیبر پختونخواہ میں اتوار سے 3 علیحدہ جھڑپوں میں ممنوعہ تحریک ِ طالبان پاکستان (ٹی ٹی پی) کے 23 عسکریت پسند اور 7 پاکستانی فوجی ہلاک ہوئے۔

پاکستانی فورسس نے ٹی ٹی پی سے جڑے باغیوں پر دباؤ بڑھادیا ہے۔